Një aksident tragjik ndodhi dje (27 prill) në Castel d’Aiano, në Apeninet e Bolonjës në Itali, në të cilin një burrë 69-vjeçar nga Caserta u përplas për vdekje nga një makinë dhe më pas u braktis në anë të rrugës pa ndihmë.
I dyshuari, një shtetas shqiptar 52-vjeçar, u lokalizua dhe u arrestua menjëherë pas incidentit për vrasje me makinë, mosdhënie ndihme dhe përplasje me mjet.
Aktualisht ai është lënë nën arrest shtëpiak, teksa gjatë ndjekjes u gjet nga karabinierët jo shumë larg një ‘Mercedes GLC 250’ e dëmtuar dhe parkuar afërsisht 500 metra larg trupit tashmë të pajetë të 69-vjeçarit, me origjinë nga Caserta dhe banor i zonës.
Në atë pikë, i dyshuari pranoi se ishte pronar i makinës, duke pretenduar se kishte dalë nga rruga, por mohoi të kishte goditur një burrë.
Më vonë ai refuzoi t’i nënshtrohej një testi alkooli, por megjithatë u shoqërua në spital për një analizë gjaku.
Hetimi është duke vazhduar, i koordinuar nga Zyra e Prokurorit.
