Mauro Icardi duket se e ka vendosur të ardhmen e tij. Vetëm një ditë pas zërave që flisnin për një kthim të fortë të REal Madrid për sulmuesin e Inter, Corriere dello Sport raporton se argjentinasi ka rënë dakord për rinovimin e kontratës deri më 2023-shin, përpara se të nisej me pushime dhe se firma do të vijë në javën e ardhshme.
Në ditën kur zikaltrit do të debutojnë në kampionat me Sassuolon, media vendase ka bërë të ditur se akordi është i mbyllur dhe se Inter nuk rrezikon të humbasë kampionin e tij ndaj sulmeve të klubeve spanjolle, ku merkato është e hapur deri më 31 gusht.
Sulmuesi që në cdo sezon është përfolur për largimin nga Inter, duke parë edhe rezultatet zhgënjyese të klubit, që nuk përmbushin ambicjet e tij, këtë herë ka qenë i sigurtë në Milano. Ndoshta qetësia ka ardhur pikërisht nga fakti i rinovimit të kontratës deri më 2023-shin. Bashkëshortja-menaxhere Wanda Nara e Drejtori Sportiv Piero Ausilio kanë gjetur akordin, gjë që është edhe normale, sepse nuk ka arsye që Inter të lërë të largohet kapitenin e tyre simbol në momentin në të cilin po kthehen në nivele të larta.
