Ronaldo prek shifrën e 750 golave në karrierë, rekordi botëror më pranë

03/12/2020 - 13:03

Goli ndaj ukrainasve ishte i 750-i në karrierë për portugezin, që për herë të parë në një ndeshje zyrtare e ka dërguar topin në rrjetë më 7 tetor të 2002-shit, në një ndeshjes mes Sportingut të Lisbonës dhe Morieirenses.

Me Sportingun në fakt ka shënuar vetëm 5 gola, ndërsa më pas ka vijuar të shënojë 118 me Manchester United, 450 me fanellën e Realit të Madridit, 75 me atë të Juventusit dhe 102 me përfaqësuesen e Portugalisë.

Më 14 tetor të vitit të kaluar, Cristiano Ronaldo kishte shënuar golin e tij të 700-të në karrierë dhe në pak më tepër se një vit ka arritur të dërgojë topin edhe 50 herë të tjera në rrjetë, ndërsa synimi është të kalojë numrin 800 të golave të shënuar, pasi rekordi absolut botëror është vetëm 56 gola larg.

Golshënuesi më i mirë në botë është Josef Bican me 805 gola, i ndjekur nga Romario dhe 772 dhe Pele me 761 gola, ndërsa pikërisht parakalimi i legjendës braziliane është objektivi më i afërt i Cristiano Ronaldos.

Përveç rekordit total të golave, Ronaldo synon të vendosë rekord edhe sa u përket golave të shënuar me përfaqësuesen, pasi deri tani ka shënuar 102 të tillë dhe është vetëm 7 gola larg rekordit të iranianit Ali Daei.

“750 gola, 750 buzëqeshje, 750 momente të lumtura për tifozët tanë. Falënderoj të gjithë lojtarët dhe trajnerët që më ndihmuan të arrij këtë shifër të rëndësishme. Falënderoj të gjithë kundërshtarët që më kanë nxitur të punoj çdo ditë e më fort, por mbi të gjitha falënderoj familjen time të mrekullueshme, që më ka qëndruar pranë në momentet e mira dhe të këqija. Ndalesa e radhës, 800 gola”, shkroi portugezi në Instagram mbrëmjen e djeshme.

/portali DurresLajm/

Na bëni like në facebook!: 

Lajme nga e njëjta kategori

Ëndrra e çdo fëmije që dëshiron të bëhet futbollist, është të vijë momenti të luajë, shënojë dhe fitojë trofe me skuadrën e zemrës.

Shqipëria rendit e dyta në klasifikimin e përgjithshëm ekipor të SES Cup, aktivitet që u mbajt në Kolashin të Malit të Zi.Kombëtarja Shqi

Sulmuesi 19-vjeçar me origjinë nga Skënderaj i Kosovës, Leon Dajaku ka lënë Bayernin e Mynhut për t’u transferuar te skuadra kryeqytetase

Australia Open ka marrë një goditje të rëndë pasi 47 tenistë duhet të qëndrojnë për dy javë në karantinë, pa u praktikuar dhe stërvitur a

Pas Rebiç dhe Kruniç të cilët dolën të infektuar me COVID para ndeshjes me Juventusin, te Milan është rikthyer sërish ankthi prej virusit

Në pritje për të kuptuar se çfarë do të ndodhë me shitjen e Interit, “Suning” do të respektojë angazhimet e marra për sezonin 2020-2021.K

Fitorja ndaj Bylisit të premten, i ka dhënë mundësinë lojtarëve e stafit të Teutës që të shohin me qetësi e të analizojnë ndeshjet e të s

Drejtori i durrsakëve, Sulejman Starova, po shikon për ndonjë lojtar të spikatur, të cilin mund ta afrojë te Teuta.