Diant Ramaj është tronditur nga ftesat e trajnerit Klop te Gjermania. Dhe pse ky i fundit mori pesë portierë në ekip, Ramaj nuk u llogarit.
Fin Dahmen i Augsburg është ftuar si për ndeshjet e shtatorit, por edhe të tetorit në Ligën e Kombeve. Në shtator janë ftuar Aleksandër Nubel i Beshiktashit, por edhe Ter Shtegen i Ajaksit.
Sa i përket sfidave të tetorit, nuk do të jenë në dispozicion Ter Shtegen dhe Nubel. Ftesa ndërkohë është rezervuar për Noah Atubolun e Frankfurtit, si edhe Jonas Urbig i Bajern Mynih.
Klop kishte mundësinë që të ftonte Ramajn, duke shmangur Dahmen që është ftuar edhe për sfidat e shtatorit dhe tetorit. Ky vendim tregon se portieri shqiptar nuk konsiderohet aspak për momentin.
Ramaj ka refuzuar Shqipërinë dhe Kosovën deri tani. 24-vjeçari po bën mirë pas rikthimit te Kopenhagen ku në pesë ndeshje ka pësuar dy gola, teksa tri herë e ka mbajtur portën e paprekur.
Kjo situatë mund të shikohet edhe si mundësi e artë për Shqipërinë. Mesazhi ndaj Ramajt te Gjermania është i qartë dhe ai nuk bën pjesë në plane.
