Mëlçia është një nga organet më të rëndësishme për organizmin, por shpesh e lënë në hije. Ajo filtron gjithçka që hamë e pimë, duke përpunuar toksinat dhe ushqyesit. Por zakonet tona ushqimore mund të ndikojnë drejtpërdrejt në funksionin e saj – qoftë në mirëmbajtje, apo në dëmtim të saj.

Ekspertët paralajmërojnë se sasia dhe cilësia e ushqimit kanë rëndësi vendimtare. Konsumimi i tepërt i disa ushqimeve mund të çojë në depozitime yndyrore në mëlçi, e në raste më të avancuara, edhe në cirrozë. Nga ana tjetër, disa ushqime kanë efekt pastrues dhe mbrojtës për këtë organ jetik – si angjinarja, që konsiderohet një nga aleatët më të fuqishëm për shëndetin e mëlçisë.

Ushqimet më të mira për mëlçinë:

  • Tërshëra
  • Boronica
  • Kafe e zezë pa sheqer
  • Ujë i bollshëm
  • Spinaq
  • Angjinare
  • Brokoli
  • Çaj jeshil
  • Bimë të freskëta (si majdanozi, kopra)
  • Bajame

Këto ndihmojnë në detoksifikim, mbrojnë qelizat e mëlçisë dhe përmirësojnë funksionin e saj.

Ushqimet që duhet shmangur:

  • Sheqeri i tepërt
  • Kripa e tepërt
  • Ushqimet me yndyrna të ngopura (fast food, gjalpë industriale, etj.)
  • Alkooli
  • Produktet e standardizuara dhe të përpunuara (si karkaleca të konservuar, patate të skuqura në vaj industrial, etj.)