Shkollat e Durrësit kishin mëngjesin e kësaj të marte një pamje shumëngjyrëshe.
Me mijëra buqeta me lule sot ishin dedikuar për ata, mësuesit.
Urimi për festën nuk kishte si mungonte nga nxënësit, ashtu si dhe dedikimet e veçanta.
Mimozat këtë herë kishin zbritur pranë shkollave, për t’u lehtësuar sa më shumë punën atyre që mendonin për dhuratën vetëm në momentet e fundit.
7 dhe 8 Marsi janë ndër ditët më të ngarkuara për shitësit e luleve.
Atmosfera në të gjitha shkollat sot do të jetë festive dhe mësuesit më shumë se kurdoherë ndihen të vlerësuar nga brezat që rrisin dhe edukojnë.
M.B.
