Shoferja që u aksidentua pasditen e sotme në Currila nuk është një personazh i panjohur për publikun shqiptar.

“DurrësLajm” mëson se bëhet fjalë për aktoren e humorit nga Durrësi, Ina Gjonçi, e cila është pjesë e trupës së aktorëve të spektaklit të humorit ‘Apartamenti 2XL’.

32-vjeçarja ka qenë duke drejtuar mjetin e saj tip ‘Opel’ me targa AA 155 EU kur është përplasur me trafikndarësen në Currila dhe më pas ka humbur kontrollin duke u përplasur edhe me 3 mjete që ndodheshin të parkuara në anë të rrugës.

Ngjarja është regjistruar rreth orës 16:00 dhe dëmet materiale të shkaktuara janë të shumta, pasi dhe dy prej automjeteve të përfshira në këtë aksident, janë makina luksoze.

S.L.