Zlatan Ibrahimoviç ka paralajmëruar largimin e tij nga futbollit. Suedezi ka surprizuar me deklaratën e fundit, ndërkohë që një ditë më parë tha se i pëlqente Premier Liga.  “Çdo gjë mund të ndodhë. Më mirë ta lësh futbollin kur je ndër më të mirët. Njerëzit do të kujtojnë më mirë se çfarë ke bërë në vitet e fundit. Të shohim se çfarë do të ndodhë. E ardhmja duket pozitive dhe tashmë është vendosur, këtë mund t’ju them”,-është shprehur Ibrahimoviç në konferencën për shtyp me kombëtaren e tij, duke lënë më shumë pikëpyetje pas deklaratës se sa sqarime për të ardhmen. Deklarata e Ibrës vjen në kohën kur disa nga klubet më të mëdha, kryesisht në Premier Ligë dhe në Serinë A, kanë shprehur hapur interesin për ta pasur në skuadër.