Moti i keq me reshje të dendura dhe erë ka shkaktuar një aksident të rëndë në Bulqizë.

Një furgon me pasagjerë ka dalë nga rruga në vendin e quajtur “Kthesa e Bobajt” dhe është përmbysur, duke sjellë si pasojë dhe plagosjen e 8 personave.

Sipas të dhënave të para, mësohet se ata janë dërguar në spital dhe gjendja e tyre nuk paraqet rrezik për jetën.

Dyshohet se shkak i aksidentit ka qenë lagështira në rrugë, por ndërkohë kanë filluar hetimet.