Dukesha e Kembrixhit, Kate, është në muajin e pestë të shtatzënisë dhe tashmë e gjithë Britania e Madhe, por jo vetëm, po pret të mësojë nëse është djalë apo vajzë.
Por vetë Kate duket se ka zbuluar sekretin pa dashje, ndërsa ishte duke marrë pjesë në një ceremoni.
Sandra Cook, 67 vjeç, ishte mes 2 mijë njerëzve që kishin dalë për t’i uruar asaj mirëseardhjen në Grimsby.
Pranë saj ishte një grua me një arush pellushi në dorë.
“Faleminderit, do e marr arushin Ted për v…”, tha Kate dhe menjëherë e ndërpreu fjalën.
“U zgjata dhe i thashë: Mos doje të thoshe vajzë apo jo? Por ajo tha “jo, nuk e dimë”. “Oh, e dini shumë mirë”,” i tha e moshuara.
Cook thotë se ka qëndruar shumë gjatë në të ftohtë për të pritur që të shihte Kate. “Ajo është kaq e bukur, e dashur dhe miqësore,” shton ajo.
