Pamjet e deputetit Jurgis Çyrbja janë reklamuar në një nga sheshet më të mëdhenj të botës, në “Time Square” në New York.
Ka qenë një surprizë që i kanë bërë deputetit disa djem nga Ishmi që jetojnë prej vitesh në SHBA, të cilët kanë vendosur të bëjnë këtë gjest të rrallë për t’i shprehur mirënjohjen Çyrbes.
Kur i kanë mbërritur pamjet në telefon se ai është shfaqur para turistëve që vizitojnë New York-un dhe shohin ekranet gjigante që kanë reklama dhe promovime të ndryshme, deputeti thotë se ka përjetuar emocione të forta si rrallëherë.
Takimi me këta djem nga Ishmi ka qenë rastësor, tregon deputeti në një status në Facebook, të cilët kanë biseduar gjerë e gjatë një pasdite gushti dhe të surprizuar nga ndryshimet që kanë gjetur në Shqipëri dhe kryesisht në vendlindjen e tyre, ata u larguan kësaj here me një shije të veçantë me 5 yje.
Ja çfarë shkruan Jurgis Çyrbja në “Facebook”:
Mirënjohja ime ndaj çdo banori në Durrës dhe Shijak është përtej çdo ndasie – çdo ditë të vitit!
Rastësisht takova gjatë verës disa çuna nga Ishmi, të emigruar para shumë vitesh në SHBA dhe biseduam gjërë e gjatë një pasdite gushti.
Të surprizuar nga ndryshimet që kanë gjetur në Shqipëri dhe kryesisht në vendlindjen e tyre, ata më thanë se do të largohen kësaj here me një shije të veçantë me 5 yje.
Dhe sot gjej në inbox-in e facebookut tim një video e cila më ka emocionuar si të paktat herë në jetë!
