Shkencëtarët indianë planifikojnë të mbjellin re për herë të parë për të shkaktuar shi të dendur në disa zona të Nju Delhit, duke shpresuar se kjo do të mjaftonte për të trajtuar smogun që ka mbërthyer kryeqytetin më të ndotur në botë për një javë, tha kreu i projektit ditën e sotme.
Cilësia e ajrit bie në Delhi përpara dimrit çdo vit, kur ajri i ftohtë bllokon ndotësit nga burime të ndryshme, duke përfshirë automjetet, industritë, pluhurin e ndërtimit dhe djegien e mbetjeve bujqësore. Shkencëtarët presin një mbulesë reje mbi qytet rreth 20 nëntorit dhe shpresojnë që kjo do të jetë mjaft e madhe dhe me përmbajtje mjaftueshëm të lartë lagështie, për të shkaktuar shi të dendur nëpërmjet mbjelljes me kripëra, tha Manindra Agrawal, një shkencëtare në Institutin Indian të Teknologjisë në Kanpur, i cili drejton provën.
Projekti, i vlerësuar të kushtojë 10 milionë rupi (120,000 dollarë) për 100 kilometra katrorë (38.6 milje katrorë), do të përfshijë spërkatjen në retë e një përzierje kripërash që përfshijnë jod argjendi, tha Agraëal.
