Ra në ujë teksa po peshkonte dhe e tërhoqi rryma në Porto Romano, polumbarët e RENEA-s në kërkim të trupit të 40-vjeçarit

Një 40-vjeçar, teksa ka qenë duke peshkuar me vëllanë dhe një person tjetër, ka rrëshqitur dhe ka rënë në det.

Trupi i Aurel Ndonit është tërhequr nga rryma, dhe për gjetjen janë angazhuar Policia e Durrësit së bashku me polumbarët e RENEA-s.

Durrës/Informacion paraprak

Rreth orës 17:15, kanë shkuar për të peshkuar në Porto Romano, shtetasit A. N., 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. B., i cili është tërhequr nga rryma dhe nuk ka mundur të dalë nga deti.

Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. N.

Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat.