Ambasadori i prezencës së Bashkimit Evropian në vendin tonë, Silvio Gonzato ka deklaruar në lidhje me anëtarësimin e Shqipërisë në BE se nevojitet që reforma në drejtësi të jetë e pakthyeshme. Këtë deklaratë ai e bëri në mbledhjen e Komisionit të Posaçëm Parlamentar për Mirëqeverisjen dhe Antikorrupsionin, k u midis të tjerash deklaroi se Shqipëria ka një mundësi historike për të çuar përpara integrimin në BE deri në anëtarësimin e plotë.
“Shqipëria ka një mundësi historike para, institucionet shqiptare e kanë përgjegjësinë për ta bërë realitet, të mobilizojnë burimet, sepse tashmë gjërat po ecin përpara. Dy muaj më parë çelëm bisedimet kjo shënoi një moment boshtor, kjo nënkupton se institucionet duhet të japin rezultate për objektiva që janë përcaktuar qartë, pas një viti shpenzuar me autoritet shqiptare duke analizuar kuadrin ligjor dhe rregullator, BE e ka përcaktuar qartë reformat që duhet të përmbushen.
Fokusi kryesor është që Shqipëria t’i zbatojë këto angazhime, kjo është ajo që BE dhe shtetet anëtare presin, e vetmja mënyrë për të arritur afatet ambicioze. Ka dy pika, së pari nuk është proces ku plotësojmë disa kuti.
BE monitorin progresin s’sheh vetëm miratimin, por nëse reformat janë ekzekutuar. BE dhe shtetet anëtare duhet të kenë një ndjesi të qartë se reformat nuk janë vetëm pjesë e kuadrit ligjor të Shqipërisë. Nga këndvështrimi ynë është thelbësore që rekomandimet të jenë të përputhje me raportin e monitorimit dhe angazhimet në kuadrin e BE.
S’kemi nevojë të shpikim rrotën nga e para, rruga është e qartë, ja pse ne kemi ngarkuar ekspertët nga projektet tona të asistencës. Sa i përket sektorit të drejtësisë parimi udhëheqës duhet të jetë pakthyeshmëria e reformës në drejtësi e sidomos e arkitekturës së saj institucionale. Të vijojë të forcojë pavarësinë e magjistratëve për të konsoliduar llogaridhënien”, – tha më tej Gonzato.
