Aktori Jose de la Torre, ka ndërruar jetë ne moshën 37-vjeçare duke u lënë një dhimbje të madhe familjarëve dhe fansve të tij.
Sipas Montilla Digital, u raportua se ylli i kinematografisë është ndarë nga jeta pas një beteje disamujore me një sëmundje misterioze.
Siç thuhet në të njëjtin raportim thuhet se ylli i serialit “Toy Boy” është varrosur më 6 dhjetor në Montilla të Spanjës.
Qershorin e kaluar, aktori zbuloi se ishte diagnostikuar me një sëmundje të rëndë, pa dhënë detaje të tjera.
Më vonë, ai filloi të merrte trajtim dhe u largua nga sytë e publikut për t’u përqëndruar në shëndetin e tij.
José de la Torre luajti në serialin e Netflix ‘Toy Boy’, i cili u shfaq për dy sezone nga viti 2019 në 2021. Ai gjithashtu u shfaq në ‘Amar es para siempre’, ‘Vis a Vis: El Oasis’ dhe ‘Servir y proteger’.
