PD do të zhvillojë primaret më 1 mars. Kryesia e PD-së e cila u mblodh një ditë më parë, ka vendosur që kjo garë për përzgjedhjen e kandidatëve për deputet nga radhët e demokratëve do të jetë në nivel qarku.
Tre propozimet kanë qenë: zhvillim i primareve në nivel dege të PD-së, në nivel qarku, dhe kombëtar. Ajo që është zgjedhur është në nivel qarku.
Në mbledhjen e djeshme është diskutuar edhe rregullorja e primareve. Secili qark, do të ketë specifikat apo rregulloren e vet, në bazë të numrit të popullsisë, anëtarëve të PD-së, dhe numrit të kandidatëve.
Ata të cilët kalojnë pragun (secili qark do të ketë një prag), kualifikohen dhe emrat e tyre do të vijnë në Kryesinë e PD-së. Më pas do të jetë Kryesia e PD që do të vendosë, se cili kandidat do të jetë në listat e mbyllura dhe të hapura. Ky vendim më pas do duhet të kalojë edhe në Këshillin Kombëtar.
