Specialistët për Hetimin e Trafiqeve të Paligjshme, në vijim të veprimeve hetimore të kryera në kuadër të operacionit të koduar “Storm 17”, referuan materialet në Prokurori, ku nisi procedimi penal për 2 shtetas kinezë.
Njëri prej tyre, konkretisht X. L., 38 vjeç, banues në Kinë, dyshohet se ka sjellë në qytetin e Durrësit, 4 shtetaset kineze të arrestuara gjatë këtij operacioni, për prostitucion; si dhe shtetasen kineze F. L., që gjithashtu ushtronte prostitucion në Durrës;
Procedimi nisi edhe ndaj 49-vjeçares F. L., banuese në Kinë, për veprën penale “Prostitucioni”.
Në cilësinë e provës materiale u sekuestruan pasaportat e 2 shtetasve kinezë të proceduar, 3 celularë dhe një shumë parash.
