Policia e Sarandës ka arritur të gjejë dhe të sekuestrojë armën e krimit me të cilën u vra në hotel Principote 21-vjeçari me kombësi portugeze, Luis Miguel Varela Mendes.

Sipas të dhënave paraprake nga grupi hetimor, arma e përdorur në këtë ngjarje të rëndë është një thikë, e cila tashmë është sekuestruar nga efektivët në cilësinë e provës materiale.

Për goditjen fatale ndaj të riut portugez akuzohet shtetasi Sokrat Vata, i cili është arrestuar.