Si pasojë e erës së fortë në Durrës, një pemë është rrëzuar në rrugicën e ish-rajonit, lagjja nr.5.
Siç duket nga pamjet e siguruara nga “DurrësLajm”, ajo ka zënë poshtë një makinë që ndodhej e parkuar krah rrugës.
“E ngecur” në automjet, ajo nuk ka rënë në rrugë, e për rrjedhojë nuk raportohet për bllokim të qarkullimit.
Po ashtu nuk raportohet për asnjë person të lënduar, ndërsa policia bashkiake ka rrethuar këtë pjesë të trotuarit, deri në sistemimin e plotë të tij.
Kjo është pema e dytë brenda 24-orëve që bie përshkak të erës së fortë në qytet.
Pasditen e djeshme një tjetër ra në segmentin rrugor Iliria-Plepa, duke sjellë si rezultat bllokimin e rrugës për disa minuta.
