Kupa e Shqipërisë ka hedhur ditën e sotme shortin për Kupën e Shqipërisë, duke mësuar dy sfidat gjysmëfinale.
Vllaznia do të presë ndeshjen e parë Egnatian, me shkodranët që do të kërkojnë të ngrenë sërish trofeun për të tretin vit radhazi, ndërsa rrogozhinasit kërkojnë të bëjnë surprizën këtë edicion.
Takimi tjetër do të jetë ai mes Tiranës dhe Teutës, ku të dyja skuadrat do të luftojnë për trofeun si një objektiv kryesor i sezonit.
Ndeshjet e para do të luhen më datë 26 prill, ndërsa ato të kthimit më 11 maj.
Sa i përket finales ajo do të luhet më datën 1 qershor në stadiumin “Air Albania”.
GJYSMËFINALET:
26 PRILL
VLLAZNIA – EGNATIA
TIRANA – TEUTA
11 MAJ
EGNATIA – VLLAZNIA
TEUTA – TIRANA
