Aurela Gaçe rrëfen problemet me zërin: Mjekët më thanë se s’do këndoja më

18/10/2019 - 10:00

Startoi mbrëmjen e djeshme në ekranin e një prej televizioneve, talent show më i ri, ndër më të veçantët organizuar këto kohë në ekranet shqiptare. Nën moderimin e moderatorëve Ardit Roshi dhe Inger Skura, ky talent  show “Këndo këngën time”  i transmetuar në “Vizion Plus” ishte më shumë se sa një garë talentesh të rinj, duke marrë përmasat e një koncerti të mirëfilltë muzikor.

Sipas formulës së programit, çdo javë, (për 12 të tilla), një artist i mirënjohur do të përballet me emocionet që do të shkaktojnë 8 interpretues të rinj, të cilët do  risjellin këngët e tij, të ripërpunuara e më bashkëkohore.

Dje ishte nata e Aurela Gaçës, dhe nisje më të bukur nuk mund të kishte. Konkurentët sollën një mini recital me këngët më të pëlqyera ndër vite nga këngëtarja aq e dashur për të gjithë shqiptarët. Por, imagjinoni sikur Aurela Gaçe të mos kishte aq fuqi vokale (larg qoftë), ç’do kishim humbur… Sidoqoftë skenari nuk është krejt imagjinatë, sepse me shumë mundësi disa prej projekteve muzikore shumë të pëlqyera e të duartrokituara nga publiku ndoshta nuk do të kishim pasur mundësi t’i dëgjonim kurrë, nëse Aurela nuk do kishe marrë masa mjekësore për t’u kujdesur për zërin e saj.

Në një rrëfim mbi karrierën e gjatë artistike, këngëtarja ka treguar edhe një nga sfidat e vështira me të cilat është përballur në jetën e  saj profesionale, ku abuzimi me zërin dhe padija lidhur me teknikat e menaxhimit të tij, vunë në pikëpyetje seriozisht ecurinë e saj të mëtejshme në muzikë.

“Atëherë gjatë kohës kur jetonte në Amerikë] pata një problem vokal, pasi punoja shumë. Edhe tani punojë shumë por kam mësuar teknika të rejë, sesi ta pushojë zërin, si të punojë me zërin, si ta ruajë atë. Kurse atëherë isha thjesht si ata boksierët e rrugës të cilët janë të fuqishëm sepse kanë lindur ashtu por ju vjen dikush që di teknikat dhe të rrëzon…”-u shpreh Aurela.

Shpresat për rikuperim filluan kur këngëtarja takoi një nga mjeket më të mira të SHBA, e cila i kërkoi të ndiqte udhëzimet e saj, në të kundërt do kishte vetëm 2 vite jetë si këngëtare.

Kam shkuar dhe jam vizituar tek një nga mjeket më në zë të Amerikës, (Wen Corovin), e cila kujdesej për të gjithë këngëtarët dhe spikerët më në zë të  Broadway… Ajo më pyeti sa këngë këndon? Qesha dhe i thashë, jo ne nuk e kemi me këngë, ne e kemi me orë”, tha këngëtarja duke shkaktuar të qeshura në sallë.

“… I thërrita vetes, pasi aty kam patur frikën më të madhe se mos unë nuk do të mundesha të dilja më në skenë. Mjekja më kërkoi: “Ose do të stoposh tani dhe do të bësh këtë që të them unë, ose t’i edhe dy vjet jetë ke si këngëtare… Aty e mora vendimin dhe i thashë do të bëj çfarë të më thuash ti. Stopova! Dy javët e para më ka mbajtur me ilaçe,  tre muaj nuk kam kënduar fare dhe  me ditë të tëra nuk kam folur fare… Mjekja më pyeti se sa shumë e doja muzikën, dhe i thashë që kënga është baraz me jetën timë. Nuk do të mund të jetoja, nëse nuk do të këndoja… Që nga ai moment, çdo ditë dhe në mënyrë sistematike unë stërvitem për zërin tim…”, ka rrëfyer Aurela. /Blitz.al

/portali DurresLajm/

Na bëni like në facebook!: 

Lajme nga e njëjta kategori

E ftuar në “Ftesë në 5” me Bieta Sulon, moderatorja Roza Lati foli hapur edhe për ish-të dashurin e saj, për të cilin është komentuar së

Aktori i humorit, Romeo Veshaj ishte i ftuar ditën e sotme në emisionin "Wake Up", në Top Channel.

Pas shumë vitesh të mërzitur me njëri-tjetrin, Gentian Zenelaj dhe Julian Deda i dhanë fund debatit të tyre pak kohë më parë.

Në emisionin e natës së kaluar, moderatorja Roza Lati ishte ulur në kolltukun e të ftuarit në “Why Not” në TV Ora.

Artisja shqiptare me famë ndërkombëtare, Rita Ora ka uruar 12-vjetorin e Pavarësisë së Kosovës.

Sir Elton John është detyruar të ndërpresë koncertin e tij në Zelandën e Re pasi u sëmur nga pneumonia.

Këngëtarja Genta Ismaili kohët e fundit është shpesh në qendër të mediave prej kohës kur u zbulua lidhja e saj e dashurisë me partnerin t

Kur këngëtarja e njohur Jennifer Lopez performoi në Super Bowl në fillim të këtij muaji, ajo i dëshmoi botës se mosha është me të vërtetë

Për herë të parë, që prej largimit nga mbretëria, Harry dhe Meghan janë fotografuar bashkë ditën e Shën Valentinit.

Çifti shumë i komentuar i showbizit, Tuna dhe Patris Berisha janë përfolur prej ditësh për një ndarje të mundshme. Fillimisht këngëtarja