Tashmë është e sigurt, Loredana Zefi dhe Mozzik i kanë dhënë fund marëdhënies së tyre! Prej kohësh spekulohej se lidhja e tyre ishte ftohur dhe se e vetmja gjë që i mbante bashkë ata të dy, ishte vajza e tyre Hana.
Ka qenë vetë Loredana e cila ka konfirmuar ndarjen nga partneri i saj përmes një postimi në Instagram. Këngëtarja shkruan se ajo do të jetë bashkë me Mozzik vetëm në turneun e përbashkët "Bonnie and Clyde", që dyshja kanë programuar për vitin 2020.
"Për të gjithë fansat e mi! Siç të gjithë e keni vënë re nga postimet në rrjetet sociale unë dhe Mozzik nuk jemi më bashkë. Ne të dy vendosëm të bëjmë një pushim si në biznes sin ë jetën private. Kjo gjë për mua do të thotë ndryshim i madh si në anën profesionale ashu edhe atë private. Për shkak të ngjarjeve të fundit në jetën tonë private, Mozzik dhe unë kemi vendosur se bashkë do të jemi vetëm në turneun e përbashkët "Bonnie and Clyde". Aktualisht kemi nevojë për këtë distancë, mbase në të ardhmen gjejmë përsëri njëri-tjetrin. Tani e në vazhdim jam një nënë beqare, gjë e cila më bën më të fortë", shkruan ndër të tjera Loredana në postimin e saj në gjuhën gjermane.
