Pasi theu heshtjen, ky është veprimi i radhës i Elvana Gjatës

10/02/2019 - 22:05

Elvana Gjata më në fund rikthehet, por jo në Tiranë. Këngëtarja e famshme shqiptare do të ngjitet në skenë pas muajsh ndërprerje, në Prishtinë, me 17 shkurt, në ditën e Pavarësisë së Kosovës.

Do të jetë një recital akustik i ngjashëm me atë që bëri në Tiranë e shoqëruar nga violinisti i shquar Olen Cesari. Koncerti pritet të mbahet në një teatër të njohur në kryeqytetin e Kosovës. Lajmin e konfirmojnë për Mapo njerëz të afërt të këngëtares që po merren me organizimin e eventit. Gjithcka do të jetë nën kujdesin e bashkëshortes së kryeministrit Ramush Haradinaj. Zonja Haradinaj po merret vetë me çdo detaj.

Elvana Gjata ka gjetur një mënyrë mjaft origjinale për t’u rikthyer, duke shmangur mesa duket me qëllim Tiranën, një qytet që i solli shumë lëndime pak muaj më parë, ku i dashuri i saj u përfshi në një përplasje të armatosur që u shoqërua dhe me një viktimë. Ngjarja tronditëse e bllokut, ku u ndeshën dy grupe rivale. Që prej asaj dite, këngëtarja e njohur u largua nga vendi.

Ajo u komentua gjatë në rrjetet sociale, shpesh dhe u sulmua për lidhjen me një personazh të kronikës së zezë. Deri më sot, flitej shumë për thyerjen e heshtjes dhe rikthimin e saj. Spekullohej çdo ditë. Pavarësia e Kosovës ngjan një rast ideal për t’u bërë prezente, duke shmangur me finesë Tiranën. Një lloj hakmarrje e saj, ndaj qytetit që i solli siç besohet shumë trishtim. Koncerti do të nisë me 17 shkurt në Prishtinë me këngë patriotike, më pas me recitalin e plotë të Elvanës. Biletat kanë avulluar. Prishtina mezi po pret të dëgjojë live dhe në një akustikë të vecantë, Elvanën.

/portali DurresLajm/

Na bëni like në facebook!: 

Lajme nga e njëjta kategori

Festa e madhe e Digitalb vazhdoi më orë të tëra pak ditë më parë në sheshin “Skënderbej”, duke u mbyllur pas mesnate.

Pak ditë më parë në mediat shqiptare qarkulloi lajmi se Inva Mula dhe bashkëshorti i saj, Ethem Ramadani i kishin dhënë fund martesës dis

Këngëtari Kastro Zizo ka dhënë një lajm të trishtë për të gjithë fansat.

Kylie Jenner dhe Travis Scott gjithmonë kanë ditur t'i surprizojnë fansat e tyre në lidhje me gjithçka nga marrëdhënia e tyre, që nga fil

Ish e dashura e Princ Harry, Ellie Goulding pritet që të martohet së shpejti.

Gigi dhe Bella Hadid kanë “kërcënuar” këngëtaren shqiptare Dua Lipa.

Interpretimi natën e ndarjes së çmimeve Oscar do të ishte vetëm fillimi i thashethemeve për një histori dashurie mes Bradley Cooper dhe L

Klaudia Pepa  ka nxitur dyshime se ka përjetuar kohët e fundit një rikthim të ish bashkëshortit, koreografit të njohur Albi Nako.

Reperi me origjinë shqiptare, Gashi krahas sukseseve në muzikën ndërkombëtare ka vendosur të sjellë në treg markën e tij të veshjeve.

Prej disa ditësh qarkullojnë lajme në portale se sopranoja e famshme Inva Mula është ndarë nga bashkëshorti i saj, Hetem Ramadani.