Mësohet se në pranga kanë përfunduar shtetasit Arian Plaku, Edmond Gjyzeli, Ilir Peraj dhe Stavri Marku.
Sipas njoftimit të policisë, blutë e qytetit fillimisht kanë ndaluar mjetin tip “BMW”, me drejtues shtetasin Edmond Gjyzeli dhe pasagjer shtetasin Arian Plaku dhe gjatë kontrollit në pjesën e poshtme të sediljes gjetën dhe sekuestruan në cilësinë e provës materiale 1 kg e 63 gr. lëndë narkotike të dyshuar kokainë.
Në momentin e ndalimit, gjatë kontrollit fizik, Gjyzelit iu gjet në brez një armë zjarri pistoletë me 14 fishkë.
Ky shtetas, gjatë ndalimit të mjetit nga forcat e Policisë, ka goditur automjetin e agjentëve të Forcës së Posaçme Operacionale me automjetin e tij dhe gjatë arrestimit, ka tentuar të nxjerrë nga brezi armën e zjarrit.
Gjithashtu, në vijim të operacionit dhe mbajtjes nën vëzhgim nga agjentët e Forcës Operacionale në lagjen nr. 13, Plazh, Durrës, u arrestuan në flagrancë shtetasit: Ilir Peraj, 52 vjeç, banues në Tiranë, i dënuar më parë për veprat penale “Vrasja” dhe “Mbajtja e ambienteve për prostitucion” dhe Stavri Marku, 60 vjeç, banues në Tiranë, pasi janë të dyshuar si të implikuar në këtë veprimtari kriminale.
Në cilësinë e provës materiale u sekuestruan 1 kg e 63 gr. lëndë narkotike e dyshuar kokainë, 1 armë zjarri pistoletë me 14 fishekë, 4 aparate celular dhe 2 automjete.
