Kryebashkiakja Emiriana Sako dhe kryetari i Këshillit Bashkiak, Ani Dyrmishi, kanë dalë së bashku në terren dhe kanë inspektuar punimet për rikonstruksionin dhe përforcimin e shkollës së mesme të bashkuar “Jusuf Hoti” në njësinë administrative të Katundit të Ri.
Në të njejtën kohë, ata kanë parë ecurinë e punimeve për ndërtimin e godinës së re arsimore ku do të vendoset kopshti dhe shkolla fillore me të njëjtin emër, financuar nga buxheti i bashkisë së Durrësit.
Ndërsa ka ndarë videon në rrjetin social “Facebook”, Sako bën të ditur, se “shkolla do të ketë 10 klasa, 3 laboratorë, sallë multifunksionale, bibliotekë, dhomë infermieri e psikologu, dërsa godina e re arsimore do të ketë 7 klasa, dy për kopshtin dhe 5 për shkollën fillore, dhomë infermierie e ambiente të tjera. “
Postimi i plotë:
Me kryetarin e këshillit bashkiak Ani Dyrmishi duke inspektuar punimet për rikonstruksionin dhe përforcimin e shkollës së mesme të bashkuar “Jusuf Hoti” në njësinë administrative të Katundit të Ri, që financohet nga Qeveria e Danimarkës dhe Qeveria e Mbreterisë së Bashkuar nëpërmjet programit CIS zbatuar nga UNDP.
Po kështu inspektuam edhe ndërtimin e godinës së re arsimore ku do të vendoset kopshti dhe shkolla fillore me të njëjtin emër, financuar nga buxheti i bashkisë së Durrësit.
Shkolla do të ketë 10 klasa, 3 laboratorë, sallë multifunksionale, bibliotekë, dhomë infermieri e psikologu.
Ndërsa godina e re arsimore do të ketë 7 klasa, dy për kopshtin dhe 5 për shkollën fillore, dhomë infermierie e ambiente të tjera.
Në përfundim të punimeve nxënës dhe 40 fëmijë
do të zhvillojnë procesin mësimor në ambiente me standarte bashkëkohore.