Madonna ka bërë një deklaratë që ka tërhequr vëmendjen e mediave ndërkombëtare, teksa ka zbuluar emrin e ish-partnerit që, sipas saj, ka lënë përshtypjen më të madhe në jetën e saj seksuale.
Këngëtarja po promovon albumin e saj të ri “Confessions II” dhe, në vend të intervistave tradicionale, mori pjesë në një video diskutimi me dramaturgun Jeremy O. Harris, Bob The Drag Queen, Ivy Mugler, stilistin Raul Lopez dhe Marcello Gutierrez.
Gjatë bisedës, Raul Lopez e pyeti Madonnën se cili kishte qenë partneri më i mirë mes marrëdhënieve të saj. Artistja u përgjigj se do të përmendte vetëm persona që nuk jetojnë më dhe më pas përmendi emrin e John F. Kennedy Jr.
Deklarata e saj shkaktoi reagime të menjëhershme nga të pranishmit, ndërsa vetë Madonna konfirmoi me humor komentin që pasoi nga Lopez, i cili tha se kishte dëgjuar të njëjtën gjë edhe nga persona të tjerë.
