Në përfundim të një viti të suksesshëm shkollor, nxënësit e klasës së parë B, të shkollës jopublike “Migjeni”, festuan mes tingujsh e vargjesh, emocionesh e mesazhesh një ndër festat më të bukura të fëmijërisë, festën e mbarimit të klases së parë.
E titulluar “Thesari i ëndrrave fëminore”, festa ishte konceptuar si një rrugëtim mes ishujve të panjohur për të zbuluar thesaret e dijes.
![](https://durreslajm.al/app/uploads/2024/05/1c9347ac-3912-4bad-ab75-9d3a127e2fef-1024x682.jpeg)
![](https://durreslajm.al/app/uploads/2024/05/25814c04-5455-4c3b-8cbe-5d8a15674bf1-1024x682.jpeg)
Klasa e mësuese Romina Kasembit, mes këngësh të kënduara nga vetë zërat e fëmijëve, vargjeve autentike e origjinale të shkruara nga vetë mësuesit e shkollës, kërcimeve nën dritën e skenës e ngjyrat e kostumeve popullore, mbushi plot e përplot sallën e madhe të koncerteve të Qendrës Kulturore “Aleksandër Moisiu”.
![](https://durreslajm.al/app/uploads/2024/05/163bf259-186e-4559-bdec-8354bc54d1e7-1024x682.jpeg)
![](https://durreslajm.al/app/uploads/2024/05/467931a2-94e6-4e64-b318-8aa3a49f3316-1024x532.jpeg)
Ndryshe nga festat klasike, në skenë fëmijëve iu bashkuan edhe prindërit, duke përcjellë në publik emocione e përjetime të rralla e të veçanta.
![](https://durreslajm.al/app/uploads/2024/05/9306c80a-97d9-432f-a018-1685568453ef-1-1024x682.jpeg)
Lot gëzimi, krenari prindërish, duartrokitje zemrash, të gjitha për t’i uruar këtyre vogëlushëve një udhëtim të mbarë në rrugëtimin e dijes plot sfida e suksese!