Dështon tentativa për të grabitur një pikë të këmbimit valutor në Durrës.
![](https://durreslajm.al/app/uploads/2024/04/72b8967e-513e-466a-8f33-d36ab7a9dd0a-1024x576.jpg)
Ngjarja është regjistruar mëngjesin e sotëm, rreth orës 09.00 në lagjen nr.1, pranë shëtitores “Taulantia”.
![](https://durreslajm.al/app/uploads/2024/04/19bd9d11-cad2-494e-ab2b-3a44dfe48747-1024x576.jpg)
Siç duket edhe në fotot që po publikon “DurrësLajm” (të shkëputura nga pamjet filmike të kamerave të sigurisë të pikës së këmbimit valutor) një person me kapuçin e xhupit të ngritur dhe pistoletë lodër në dorë ka kërcënuar punonjësen e kësaj pike t’i dorëzojë paratë.
![](https://durreslajm.al/app/uploads/2024/04/978e2602-f258-404b-a821-816c2459bfdc-1024x576.jpg)
Burime nga policia thonë se autori iu drejtua pikës së këmbimit valutor, por punonjësit e panë që ishte i armatosur dhe nuk kanë hapur xhamin e sportelit. Pas rezistencës së punonjësve, grabitësi u largua me shpejtësi nga vendngjarja.
![](https://durreslajm.al/app/uploads/2024/04/cabb37a4-6091-49b9-99c1-bc44b50ab9df-1024x576.jpg)
Policia administroi pamjet filmike nga subjekti privat dhe po punon për identifikimin dhe kapjen e të riut të armatosur.
![](https://durreslajm.al/app/uploads/2024/04/dc71c52d-e356-4cd9-a5ff-0b8e0a98189b-1024x576.jpg)