Ashtu sic njoftoi “DurrësLajm” mbrëmjen e djeshme, policia vuri në pranga autorin e tentativës së grabitjes së pikës së këmbimit valutor në Durrës, me pistoletë lodër.
Ai është shtetasi Erind Lubishta, 29 vjeç, i cili mëngjesin e djeshëm tentoi të grabiste një pikë të këmbimit valutor në lagjen nr.1 të Durrësit.
![](https://durreslajm.al/app/uploads/2024/04/a94f823c-bad8-425a-9f5d-950726f174f3-1-1024x765.jpg)
Policia ka dalë sot me reagim zyrtar, ku teksa njofton arrestimin e 29-vjeçarit, informon se në cilësinë e provës materiale u sekuestruan pistoleta lodër dhe veshjet që ka patur autori i dyshuar, gjatë ngjarjes.
Ngjarja ndodhi më datë 12.04.2024, rreth orës 12:45, në lagjen nr. 1, ka hyrë në një dyqan këmbimi valutor dhe në kërcënimin e një pistolete lodër, ka tentuar të vjedhë një shumë parash.
Njoftimi i Policisë Durrës:
Zbardhet brenda pak orësh, tentativa për vjedhje në një dyqan këmbimi valutor. Identifikohet, kapet dhe vihet në pranga autori i dyshuar. Sekuestrohet pistoleta lodër e përdorur prej tij, gjatë tentativës për vjedhje.
Mesditën e djeshme, menjëherë pas njoftimit se një shtetas kishte tentuar të vidhte në një dyqan këmbimi valutor, specialistët për Hetimin e Krimeve të Komisariatit të Policisë Durrës organizuan punën me qëllim identifikimin dhe vënien para përgjegjësisë ligjore të autorit/ve të kësaj tentative vjedhjeje.
Si rezultat i veprimeve hetimore të kryera me mbështetjen e informacioneve nga inteligjenca policore, u bë identifikimi, kapja dhe arrestimi i autorit të dyshuar të rastit, shtetasit:
Erind Lubishta, 30 vjeç, banues në Durrës.
Ky shtetas dyshohet se më datë 12.04.2024, rreth orës 12:45, në lagjen nr. 1, ka hyrë në një dyqan këmbimi valutor dhe në kërcënimin e një pistolete lodër, ka tentuar të vjedhë një shumë parash.
Në cilësinë e provës materiale u sekuestruan pistoleta lodër dhe veshjet që ka patur autori i dyshuar, gjatë ngjarjes.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.