Trofetë e fituara të Manchester City-t gjatë sezonit futbollistik 2022-2023 kanë mbërritur në Amfiteatrin e Durrësit si pjesë e programit të Akademisë së Futbollit të Mancity në Durrës.
Përmes një postimi në rrjetet sociale, kryeministri Rama ka njoftuar se mund t’i vizitoni sot nga hyrja kryesore në hollin e Kryeministrisë, prej orës 13:00 deri 19:00.
“MIRËMËNGJES
dhe me ftesën dashamirëse për admiruesit e artit të futbollit guardiolian, që trofetë e fituara nga Manchester City gjatë sezonit futbollistik 2022-2023 (të cilat erdhën në Amfiteatrin e Durrësit si pjesë e programit të Akademisë së Futbollit të Mancity në Durrës), të vijnë po të duan t’i vizitojnë sot nga hyrja kryesore në hollin e Kryeministrisë, prej orës 13:00 deri 19:00, ju uroj një ditë të mbarë”, shkruan Rama.
