Një 21-vjeçar është arrestuar sot në flagrancë nga policia e Durrësit.
A.I., banues në Fier, është kapur në flagrancë ditën e djeshme, duke vjedhur materiale të ndryshme, në një lokal.
Po ashtu, ai është autor i dyshuar edhe i 2 vjedhjeve të tjera: më datë 29.11.2022, ka vjedhur disa mjete pune, në banesën e një shtetasi, në lagjen nr. 1, Durrës, dhe më datë 17.112022, ka vjedhur materiale të ndyshme elektrike, në një pallat në restaurim, në lagjen nr. 3 Durrës.
Njoftimi i policisë:
Specialistët për Hetimin e Krimeve të Komisariatit të Policisë Durrës, në vijim të punës hetimore dhe policore, për goditjen e veprimtarisë kriminale në fushën e vjedhjes dhe nxjerrjen e autorëve përpara përgjegjësisë penale, kanë arrestuar në flagrancë shtetasin:
A. I., 21 vjeç, banues në Fier, i dënuar më parë për veprën penale “Vjedhja”.
Ky shtetas është kapur në flagrancë ditën e djeshme, duke vjedhur materiale të ndryshme, në një lokal.
Nga veprimet hetimore ka rezultuar se ky shtetas është autor i dyshuar edhe i 2 vjedhjeve të tjera: më datë 29.11.2022, ka vjedhur disa mjete pune, në banesën e një shtetasi, në lagjen nr. 1, Durrës, dhe më datë 17.112022, ka vjedhur materiale të ndyshme elektrike, në një pallat në restaurim, në lagjen nr. 3 Durrës.
Vijon puna për zbardhjen dhe dokumentimin e vjedhjeve të tjera që mund të ketë kryer ky shtetas.
Materialet për këto raste i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
