Teatri i Durrësit, “Aleksandër Moisiu” feston sot 71-vjetorin.
Në këtë rrugëtim 71-vjeçar teatri numëron mjaft tituj, çmime e arritje në rang kombëtar.
Mes morisë së reagimeve në këtë ditëlindje të 71-të, një postim në rrjetet e saj sociale e ka bërë edhe regjisorja Driada Dervishi.
“Arti dhe kultura as nuk vishen e as nuk hahen, por ama bëjnë që të ecim me hapa të shpejtë përpara”, shkruan ajo ndër të tjera.
Postimi i plotë:
Jetë të gjatë Teatrit!
Teatri jeton gjatë, por më së shumti në kujtimet e zemrat e atyre që punojnë që Perdja të rrijë gjithnjë e hapur, si dhe në mendjen e ndjenjat e publikut.
Kjo është e bukura dhe e trishta e tij.
Por kjo është jeta.
E bukur dhe e trishtë.
Ndaj Teatri është vetë jeta!
Jetë të gjatë Teatrit!
71 vite jetë Teatri Aleksander Moisiu Durres 🎭E lumtur që jam pjesë e familjes tënde të madhe!
Arti dhe kultura as nuk vishen e as nuk hahen, por ama bëjnë që të ecim me hapa të shpejtë përpara!
Uroj që Kultura të marrë vendin që duhet!
Hapini Perden Artit!
