Një aksident ka ndodhur pak minuta më parë në aksin Lezhe- Laç. Dy automjete, njëri i markës Opel dhe tjetri Mercedes Benz, u përplasën me njëri-tjetrin në kryqëzimin e Rriles, ku nga goditja njëri prej tyre ka shpërthyer në flakë. Fatmirësisht personat që ishin në automjetin që u përfshi nga flakët arritën të dilnin në kohë, duke mos rrezikuar jetën. Nga raportimet e para bëhet me dije se drejtuesit e mjeteve kanë marrë lëndime dhe janë dërguar në spitalin e Lezhës. Policia dhe grupi hetimor mbërriti në vendin e ngjarjes për zbulimin e shkaqeve të këtij aksidenti.