Këshilli Bashkiak do të mblidhet ditën e enjte, në orën 13.00, për të diskutuar dhe miratuar 4 projektvendimet që ka dorëzuar deri më tani bashkia Durrës pranë sekretarisë së këtij këshilli.

Pikat e rendit të ditës që mund të shoqërohen me diskutime mes këshilltarëve  të maxhorancës dhe opozitës janë pika nr.3 dhe pika nr.4 që lidhen me dy investime të rëndësishme të planifikuara për t’u realizuar në Durrës, zona multifunksionale përreth stadiumit dhe parku fotovoltaik në Spittallë.

Njoftimi i Këshillit Bashkiak Durrës:

Të nderuar qytetarë!

Në mbështetje të nenit 57 pika 2/c të Ligjit nr. 139/2015, datë 17.12.2015 “Për Vetëqeverisjen Vendore”, të nenit 48, nenit 49, të Rregullores së Funksionimit të Këshillit Bashkiak Durrës, pas dorëzimit tek Sekretarja e Këshillit Bashkiak të projekt-vendimeve dhe relacioneve përkatëse nga Bashkia Durrës, në mbështetje nenit 53 pika 2, 3, 4 të Ligjit nr.139, datë 17.12.2015 “Për Vetëqeverisjen Vendore” i ndryshuar, Kryesia e Këshillit, me datë 26.06.2025, vendosi që mbledhja e radhës të mbahet ditën e enjte, me datë 03.07.2025, ora 13.00.

Kjo mbledhje do të mbahet në sallën e Këshillit Bashkiak me rendin e ditës:

MIRATIMI I RENDIT TË DITËS TË MBLEDHJES

PËR MIRATIMIN E NJË NDRYSHIMI NË VENDIMIN E KËSHILLIT BASHKIAK NR. 61, DATË 28.02.2023 PËRSA I PËRKET ZNJ. JETA ÇOADARI

PËR MIRATIMIN E NJË SHTESE DHE DISA NDRYSHIMEVE NË VENDIMET E KËSHILLIT BASHKIAK NR. 35, DATË 03.02.2023 PËRSA I PËRKET Z. ISMAIL SPAHO DHE Z. EDMOND SPAHO, NR. 35, DATË 09.05.2022 PËRSA I PËRKET ZNJ.MANJOLA SEFERI, NR. 72, DATË 20.07.2020 PËRSA I PËRKET Z. SALI KURTI

PËR MIRATIMIN E DISA NDRYSHIMEVE NË VENDIMIN NR. 125, DATË 27.07.2023 TË KËSHILLIT BASHKIAK PËR MIRATIMIN PËR VËNIEN NË DISPOZICION TË PROJEKTIT, SIPAS VKM-SË NR. 17, DATË 18.01.2023, PËR ZHVILLIMIN E PRONËS ME NR. PASURIE 1/27, ZONA KADASTRALE 8513, E LLOJIT “SHESH”, ME SIP.19367.4 M 2 ; TË PRONËS ME NR. PASURIE 1/31, ZONA KADASTRALE 8513, E LLOJIT “TRUALL”, ME SIP.609.42 M 2 ; TË PRONËS ME NR. PASURIE 1/33, ZONA KADASTRALE 8513, E LLOJIT “SHESH”, ME SIP. 2125.51 M 2 ; TË PRONËS ME NR. PASURIE 1/168, ZONA KADASTRALE 8513, E LLOJIT “TRUALL”, ME SIP. 7518.84 M 2 ; TË PRONËS ME NR. PASURIE 1/162, ZONA KADASTRALE 8513, E LLOJIT “TERREN SPORTIV”, ME SIP. 2946.04 M 2 ; TË PRONËS ME NR. PASURIE 1/159, ZONA KADASTRALE 8513, E LLOJIT “TERREN SPORTIV”, ME SIP. 7105.83 M 2 ; TË PRONËS ME NR. PASURIE 1/34, ZONA KADASTRALE 8513, E LLOJIT “SHESH”, ME SIP. 1703.31 M 2 ; TË PRONËS ME NR. PASURIE 1/32, ZONA KADASTRALE 8513, E LLOJIT “TERREN SPORTIV”, ME SIP. 24827.4 M 2 ; NË PRONËSI TË BASHKISË DURRËS DHE MIRATIMIN E MARRËVESHJES PËR ZHVILLIMIN E PROJEKTIT TË ZONËS MULTIFUNKSIONALE PËRRRETH KOMPLESIT TË STADIUMIT “NIKO DOVANA” NË DURRËS, PËRFSHIRË STADIUMIN, E LIDHUR MIDIS MINISTRISË SË ARSIMIT DHE SPORTIT, BASHKISË DURRËS, AGJENCISË SË PLANIFIKIMIT TË TERRITORIT (AKPT) DHE FONDIT SHQIPTAR TË ZHVILLIMIT (FSHZH)

PËR DHËNIEN E MIRATIMIT TË NËNSHKRIMIT TË MARRËVESHJES SË BASHKËPUNIMIT MIDIS BASHKISË DURRËS DHE SPITALLA SOLAR SHPK ME QËLLIM TRANSFERIMIN E TË DREJTËS SË PËRDORIMIT TË INFRASTRUKTURËS SË UJITJES DHE KULLIMIT, KËSAJ SHOQËRIE NË FUNKSION TË NDËRTIMIT TË PARKUT FOTOVOLTAIK TË SPITALLËS ME NJË KAPACITET PREJ 100 MEGAVAT ENERGJI

DISKUTIME DHE PYETJE NGA KOMUNITETI