Kryebashkiakja e Durrësit, Emiriana Sako, ka bërë të ditur se po vijon puna për dezinfektimin dhe dezinsektimin e rrugëve kryesore të qytetit, zonës së Plazhit, si dhe hapësirave publike e të gjelbëruara.
Në një postim në rrjetet sociale, Sako thekson se këto ndërhyrje synojnë krijimin e një mjedisi më të pastër dhe më të shëndetshëm për qytetarët dhe pushuesit e shumtë që zgjedhin Durrësin gjatë sezonit veror.
Postimi i plotë:
Për një mjedis më të pastër dhe më të shëndetshëm.
Vijon puna për dezinfektimin dhe dezinsektimin e rrugëve, shesheve, hapësirave publike dhe zonave të gjelbëruara në të gjithë qytetin. 🚜🧹🌳
Me përkushtim dhe pa ndërprerje, punojmë çdo ditë në shërbim të qytetarëve dhe pushuesve të shumtë që zgjedhin të kalojnë pushimet në qytetin tonë. ☀️🏖️
Së bashku për një qytet më të pastër, më të sigurt dhe më mikpritës! ✅
