Në një atmosferë festive dhe krijuese, oborri i shkollës së mesme “Naim Frashëri” u kthye në një mozaik ngjyrash, kulturash dhe idesh, falë panairit “Ngjyrat e brezit të ri mes traditës dhe krijimtarisë”.
Gjimnazistët sollën në jetë pasionin e tyre për artin, trashëgiminë dhe inovacionin përmes punimeve artizanale, stendave kulturore, veshjeve tradicionale dhe krijimeve origjinale.
Ky aktivitet ishte një dëshmi e gjallë e talentit të brezit të ri dhe e lidhjes së tij me rrënjët kombëtare, duke treguar se tradita dhe moderniteti mund të ecin përkrah njëri-tjetrit.
Panairi u shndërrua në një hapësirë bashkëpunimi, frymëzimi dhe krenarie për të gjithë pjesëmarrësit dhe vizitorët.
