Çfarë profesioni kishte Eli Fara përpara se të bëhej këngëtare

18/09/2018 - 18:59

   Ajo është sot ndër këngëtaret më të njohura dhe më të dashura për publikun shqiptar. Bëhet fjalë për Eli Farën. Ajo ishte sot e ftuar në studion e “Rudina” në Tv Klan dhe përmes emisionit një fanse e këngëtares e pyeti me kuriozitet se cili do të ishte profesioni saj, nëse nuk do të ishte bërë këngëtare.

Ndërkohë Eli rrëfeu me nostalgji periudhën kur punonte si mësuese në një fshat të Korçës, teksa tha se ndoshta profesioni i saj mund të ishte edhe mësuesia.

Fansja: Çfarë do të ishit bërë nëse nuk do të ishit këngëtare?

“Unë mund të isha bërë shumë gjëra. Pasi kam mbaruar shkollën unë kam punuar si mësuese e ciklit të ulët. Mbarova liceun artistik “Tefta Tashko Koço” dhe kisha të drejtë të ushtroja profesionin e mësuesisë. Më çuan në një fshat shumë larg, ku bëja rreth 30 minuta rrugë me autobus dhe 1 orë e 30 minuta në këmbë çdo ditë. Më pëlqente ai profesion dhe i kujtoj me dashuri ato momente. Kisha 36 nxënës vitin e parë që kam filluar punë me klasën e tretë. Ndërkohë që punoja, bëja edhe shkollën e lartë me korrespondencë. Ka shumë ish-nxënës që më shkruajnë tani, janë rritur, janë martuar. Unë isha e aktivizuar në atë kohë edhe me aktivitetet në qytetin e Korçës dhe pas viteve ’90 u shkëputa nga mësuesia. Kur kam kënduar këngën “Me 25 gërsheta” kam qenë edhe mësuese, fitova çmimin e parë me atë këngë. Ishte një atmosferë e papërshkrueshme”, tregoi këngëtarja.

Gjatë emisionit, këngëtarja po ashtu prezantoi këngën e saj më të re të titulluar “Dua më” dhe tregoi prapaskenat e realizimit të klipit.

“Duam” me muzikë të Adrian Hilës dhe tekst të Rovena Dilos është një këngë verore, e ëmbël, është realizuar pastër. Fabula e këngës është dashuria dhe neglizhenca mes çifteve siç ndodh në përditshmëri. Berati na ka dhënë një bukuri të madhe në klip me rrugicat kaq të bukura. Mikpritja ishte e paimagjinueshme. Kanë dalë të gjithë nëpër dyer janë kënaqur me muzikën. Na kanë ndihmuar, na kanë nxjerrë gliko, ujë e kafe”, tha këngëtarja.

/portali DurresLajm/

Na bëni like në facebook!: 

Lajme nga e njëjta kategori

Ariana Grande ka hyrë në historinë e Billboard Hot 100.  Këngëtarja është e para artiste që mban tre vendet e para të Billboard në të një

Katër muaj pas ngjarjes tragjike në ish-Bllok, ku u përfshi i fejuari i saj Ervin Mata, Elvana Gjata vendosi të rikthehej në skenë dhe në

Khloe Kardashian dhe Tristan Thompson janë ndarë zyrtarisht për shkak të tradhtisë.

Të përjetosh divorcin nuk është e thjeshtë, por ama disa emra të njohur shqiptarë kanë mundur të ringrihen, të rinisin jetën pas ndarjes

Pasi lansoi këngën “Boll u bo tuj vuajt”, Luana Vjollca mendon se i meriton disa pushime dhe për këtë ajo ka zgjedhur Austrinë

'Të dua shumë' janë fjalët në shqip me të cilat bashkëshorti ka zgjedhur t'i urojë ditëlindjen Almedës.

Mbrëmjen e djeshme ka nisur edhe edicioni i dytë i emisionit "Në kurthin e Piter Panit" në TV Klan.

Kryetari i bashkisë së Tiranës, Erion Veliaj ka zbuluar surprizën që ka përgatitur prej ditësh në bashkëpunim me këngëtaren Jonida Maliqi

Çdo detaj i paraqitjes së një personazhi të njohur për publikun ka rëndësi dhe kështu ishte dhe rikthimi i Elvana Gjatës pas kaq shumë ko

Sot ajo është një nga këngëtaret më të suksesshme dhe më të pëlqyer në botë. Por kush e zbuloi talentin e Dua Lipës?