Gjatë diskutimit që po zhvillohet në shkollën “Jan Kukuzeli”, në kuadër të seancës dëgjimore të Komisionit të Posaçëm Parlamentar për Reformën Administrativo-Territoriale, Denisa Luarasi, kryetarja e Këshillit Bashkiak të Durrës, kërkoi që procesi i legalizimeve të mos administrohet më nga institucionet qendrore, por t’i kalojë në kompetencë bashkisë së Durrësit ashtu si edhe administrimi i qendrave shëndetësore. Ajo vuri theksin gjithashtu tek të ardhurat që, sipas saj, Bashkia e Durrësit duhet të përfitojë nga Autoriteti Portual Durrës.