Kryebashkiakja e Durrësit, Emiriana Sako, ka zhvilluar një takim me strukturat e Policisë Bashkiake, ku ka prezantuar edhe drejtorin e ri të këtij institucioni, Flamur Gjuzin.
Në postimin e saj në rrjetet sociale, Sako shprehet se gjatë takimit u theksua rritja e angazhimit në terren në kuadër të sezonit turistik, si dhe u përcaktuan prioritetet e punës.
Postimi i plotë:
Zhvillova një takim me strukturën e Policisë Bashkiake 
ku prezantova edhe drejtorin e ri të këtij institucioni, Flamur Gjuzi.
Gjatë takimit e vura theksin tek rritja e angazhimit në terren në kuadër të sezonit turistik si dhe përcaktuam prioritetet e punës në vazhdimësi.
Kërkova intensifikimin e kontrolleve për hapësirat publike në zbatim të plotë të VKM-së miratuar së fundmi lidhur me këto hapësira, reagim të menjëhershëm për ndërtimet pa leje, për hapësirat e plazheve publike, ndotjen akustike, mbrojtjen e mjedisit.
Kërkova përkushtim të plotë dhe zbatim rigoroz të ligjit dhe detyrave funksionale, me qëllim ofrimin e një shërbimi sa më cilësor për qytetarët dhe vizitorët.
