“Shtëpizat e librit” në Durrës, Sako: “Kjo nismë do të rizgjojë dëshirën për të lexuar” (FOTO)

Prej ditësh tashmë në zona të ndryshme të qytetit të Durrësit kanë rënë në sy disa kutiza, që në dukje kishin të bënin me librin dhe leximin.

Kryetarja e bashkisë Emiriana Sako ka sqaruar qytetarët mbrëmjen e sotme për atë që qëndron pas tyre.

“Në këto librari në qytet cilido mund të marrë falas një libër për ta lexuar dhe të lërë në këto shtëpiza-librari 📖 një libër tjetër”, sqaron ndjekësit në “Facebook” Sako.

Postimi i plotë:

Në hapësirat publike të Durrësit do të gjeni tashmë shtëpizat e librit .

Ne e përkrahëm menjëherë këtë nismë të një grupi të rinjsh dhe studentësh që studiojnë brenda e jashtë vendit dhe synimi i kësaj nisme është afrimi me librin i të gjithë brezave.

Në këto librari në qytet cilido mund të marrë falas një libër për ta lexuar dhe të lërë në këto shtëpiza-librari një libër tjetër. Kjo nisëm do të rizgjojë dëshirën për të lexuar.

Libri është miku më i mirë për këdo ndaj ne do të inkurajojmë gjithmonë nisma që synojnë afrimin e sa më shumë njerëzve me librin.