26gusht 2015 – Këngëtari Sinan Hoxha bëhet dhëndër. Ai ka shkuar për të marrë sot nusen, Andrra Destani në Kumanovë, me një limuzinë të bardhë e më pas me helikopter.
Lidhja e çiftit më të famshëm të muajve të fundit do të kurërozohet nesër mbrëma, në një restorant të njohur të Tiranës. Foto që transmetojnë mediat kosovare po mbushin rrjetet sociale. 
E kush tjetër mund t’i rezistonte tundimit për të bërë një gjë të veçantë në ditën e dasmës? Sidomos kur Sinan Hoxha, i njohur jo vetëm në Shqipëri, por dhe në diasporë, ka arritur të sigurojë fitime të mëdha gjatë karrierës së tij.
Sinan Hoxha u fejua vitin e shkuar me Andrrën, e cila jeton në Gjermani, vajza e një biznesmeni shqiptar nga Maqedonia. Nusja u kthye në Kumanovë për të bërë ceremoninë e martesës, ndërsa në Tiranë erdhi e veshur me të bardha, me helikopter.
/agjencia e lajmeve “Dyrrah”/
