Një aksident i trefishtë është regjistruar mesditën e sotme në autostradën Durrës-Tiranë, në afërsi të mbikalimit të Shkozetit.
Tre automjete janë përplasur me njëra-tjetrën, ku njëra prej tyre ka përfunduar e përmbysur në autostradë.
Bëhet me dije se nga aksidenti kanë mbetur të plagosur dy persona, shoferi i automjetit të përmbysur dhe një pasagjere e cila ndodhej në një mjet tjetër, e cila sapo kishte dalë nga spitali.
Policia dhe grupi hetimor ndodhen në vendngjarje për përcaktimin e rrethanave dhe shkakut të aksidentit.
