Ministrja e Arsimit dhe Sportit Ogerta Manastirliu, vazhdon të promovojë dhe të vlerësojë nxënësit e talentuar për punën e tyre në arritjen e rezultateve të larta.
Kësaj radhe, Manastirliu, i ka kushtuar nxënësve të gjimnazit “Leonik Tomeo” në Durrës, një postim në rrjetet sociale.
Në postim, Ministrja ka përmendur të gjithë nxënësit e talentuar të gjimnazit të njohur si dhe arritjet e tyre.
Postimi i plotë:
Ju prezantojmë me nxënësit e talentuar të gjimnazit “Leonik Tomeo” në Durrës.
Ersilja Ballabani, nxënëse me rezultate të larta në mësime. Fituese e fazës së dytë në Olimpiadën Kombëtare të Letërsisë, Biologjisë dhe Fizikës. Fituese e çmimit të parë në konkursin e shkollës me esenë “Autizmi nuk zgjedh.” Fituese në konkursin “Mendimi im, forca ime”, ogranizuar nga MAS me esenë “Fund dhunës ndaj grave”. Fituese në projektin “We are change markers”.
Sara Turhani, nxënëse me rezultate të shkëlqyera. Talent në muzikë, fituese e çmimit të parë në këngë, në maratonën rinore. Fituese në fazën e dytë të Olimpiadës Kombëtare në lëndët Biologji, Letërsi dhe Fizikë. Fituese e çmimit të dytë në projektin “We are change makers”.
Erbion Shatro, nxënës me rezultate të larta në mësime. Presindent i senatit të shkollës dge pjesë e Parlamentit Rinor. Fitues në fazën e dytë në Olimpiadën e Informatikës, me talent në teknologji-informacioni.
Blerta Miraka, nxënëse e pasionuar pas librave dhe historisë, fituese në Olimpiadën Kombëtare të Historisë.
Loena Balla, fituese në fazën e dytë të Olimpiadës së Fizikës dhe Biologjisë, spikat në eksperimentet praktike në lëndët shkencore.
Eden Belishova, fituese në fazën e dytë në Olimpiadën e Biologjisë. Aktiviste dhe vullnetare në shumë veprimtari me Kryqin e Kuq.
Kris Nako, nxënës i talentuar në teknologji dhe informacion, fitues në fazën e dytë të Olimpiadës së Informatikës.
Ergi Arifi, i talentuar në futboll. Lojtar me ekipin e parë të skuadrës Teuta të Durrësit.
Keidi Gjylo, e talentuar në krijimtari, fituese e fazës së dytë në Olimpiadën e Letërsisë.
Orin Agalliu, fitues i Olimpiadës Kombëtare në Histori, i talentuar në basketboll, pjesë e ekipit të shkollës.
Mendi Zotaj, nxënës i talentuar në teknologji- informacioni, nismëtar për ndërtimin e webit të shkollës “Leonik Tomeo” në Durrës. Fitues i fazës së dytë në Olimpiadën e Informatikës.
Katia Shyti, nxënëse me rezultate të larta në mësime. Fituese në fazën e dytë në Olimpiadën e Biologjisë.