Prej disa ditësh, në portin më të madh në vend ka nisur fluksi i lëvizjeve në dalje.

Emigrantët dhe shqiptarët e diasporës që erdhën të kalonin pushimet në vendlindje, tashmë po largohen drejt vendeve ku jetojnë e punojnë prej vitesh.

Por si ishin këto ditë pushimesh të kaluara në atdhe?

Për “DurrësLajm”, ata tregojnë se e kanë shfrytëzuar këtë periudhë për të pushuar në jug apo në veri të vendit, por rritja e çmimeve, që është një problem i përditshëm për vendasit, evidentohet edhe prej tyre.

Por sipas emigrantëve, ajo që është më shqetësuese në sektorin e turizmit është fakti se shërbimet nuk janë në të njëjtin nivel me rritjen e çmimeve.

Sipas tyre, mbetet ende punë për të bërë në këtë drejtim, por edhe për përmirësimin e infrastrukturës.

Ndërkohë, për italianët përshtypjet e marra nga Shqipëria janë ndër rmë të mirat e mundshme, megjithëse ndryshe nga një vit më parë, duket se flukset turistike nga vendi fqinjë janë më të pakta në numër.

M.B.