Arrestohen në flagrancë 2 shtetas në Durrës, për vepra të ndryshme penale.

Specialistët për Hetimin e Krimeve të Komisariatit të Policisë Durrës arrestuan në flagrancë shtetasit:

-A. M., 22 vjeç, banues në Kukës, pasi nga kontrolli në automjetin që drejtonte ky shtetas, u gjet dhe u sekuestrua në cilësinë e provës materiale, një shufër metalike.

U arrestua gjithashtu edhe 62-vjeçari me iniciale P. Sh., banues në lagjen nr. 8, pasi ka ushtruar dhunë ndaj nënës së tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.